საპარლამენტო არჩევნებს NDI-ის სადამკვირვებლო მისიის პირველი შეფასება - პრესკონფერენცია ქორთიარდ მერიოტში შედგა.
NDI-ის ევრაზიის პროგრამების რეგიონალური დირექტორის ლორა ჯუიტის განცხადებით, NDI-ის წინასაარჩევნო სადამკვირვებლო მისიის მიზანია, საქართველოში დემოკრატიული პროცესების და არჩევნების დემოკრატიულად ჩატარების ხელშეწყობა.
მისი თქმით, დელეგაციის წევრებმა შეხვედრები გამართეს პოლიტიკურ ლიდერებთან, საპარლამენტო არჩევნებში მონაწილე კანდიდატებთან, საარჩევნო ადმინისტრაციის წარმომადგენლებთან, არასამთავრობო ორგანიზაციებთან და ა.შ.
ლორა ჯუიტის თქმით, დელეგაციის წევრები მთელი საქართველოს მასშტაბით, სხვადასხვა უბნებზე დააკვირდნენ ხმის მიცემის და ხმის დათვლის პროცესებს.
სადამკვირვებლო მისიამ არჩევნების დღეს, მათ მიერ განხორციელებული დაკვირვების შედეგები საზოგადოებას გააცნო.
„არჩევნები დღე დაიწყო მშვიდ გარემოში, თუმცა სამწუხაროდ შემდეგ დასრულდა ძალადობის ცალკეული შემთხვევების გამოვლინებით და ნებისმიერ შეთხვევაში, ჩვენთვის მიუღებელია ყოველგვარი ძალადობის ფაქტები. ამის მიუხედავად, ქართველი ამომრჩევლის დიდმა ნაწილმა, საუბნო საარჩევნო კომისიის თანამშრომლებმა, პარტიის აქტივისტებმა და კანდიდატებმა 8 ოქტომბრის საპარლამენტო არჩევნებში მშვიდობიანი მონაწილეობით, დემოკრატიისადმი მათი ერთგულება დაადასტურეს.“
„მთელი დღის განმავლობაში NDI-ის დამკვირვებლები დააკვირდნენ პროცესს, რომლის პერიოდშიც აღინიშნა გარკვეული დარღვევები, თუმცა ზოგადად საარჩევნო პროცესები წარიმართა ასე თუ ისე მშვიდობიან რეჟიმში. უნდა აღინიშნოს, რომ ხმის დათვლის პროცესები ზოგ შემთხვევაში შეჩერდა და ზოგ შემთხვევაში შეწყდა და სახეზე იყო არაკანონიერი ხელის შეშლა ხმის დათვლის პროცესის და ზოგიერთ შემთხვევაში, ადგილი ქონდა ძალადობის გამოვლინებების ფაქტებსაც,“ – განაცხადა ანემი ნეიტს - უტებროკმა.
