„ჩვენ მოვუწოდებთ ხელისუფლებას შეწყვიტოს მანიპულაცია და შეეგუოს ამომრჩევლის ნებას. ჯერ კიდევ ვიმედოვნებთ, რომ რეგიონში დემოკრატია გაიმარჯვებს“, აცხადებს აჭარის მთავრობის ყოფილი მეთაური და ენმ-ს ერთ-ერთი ლიდერი ლევან ვარშალომიძე.
ვარშალომიძე ამომრჩევლებს მადლობას უხდის და აჭარის წინსვლაში დარწმუნებულია.
„პირველ რიგში მინდა მადლობა გადავუხადო თითოეულ თქვენგანს.
თითოეულ თქვენგანს, ვინც მოვიდა არჩევნებზე და გააკეთა მისი არჩევანი. მინდა მადლობა გადავუხადო მათ, ვინც ჩვენს გვერდით დგას და სჯერა აჭარის, დარწმუნებულია, რომ აჭარას შეუძლია წინსვლა და განვითარება.
გუშინ,ჩვენი ქვეყანა გადიოდა გამოცდას! გამოცდას ,თუ რამდენად დემოკრატიულ ქვეყანაში ვცხოვრობთ ჩვენ! ეგზიტპოლებმა აჭარაში (GFK-ის კვლევებმა აჩვენა, რომ "ერთიანი ნაციონალური მოძრაობა" -37,3% , "ქარული ოცნება"- 32,3%, "დემოკრატიული მოძრაობა-ერთიანი საქართველო - 6,7%, "პატრიოტთა ალეანსი"-5,2%) ნათლად გვიჩვენა, რომ მოსახლეობის უმრავლესობას არ მოსწონს დღევანდელი სიტუაცია, რაც ქვეყანაში ხდება და საჭიროა ძალიან დიდი ცვლილებები.
სამწუხაროდ, ჩვენ დღეის მონაცემებით ვხედავთ, რომ ხელისუფლება არ უსმენს ხალხს და ისინი არ ღებულობენ ახალ ცვლილებებს და შესაძლებლობებს.
მე და ჩემი გუნდი ძალიან იმედგაცრუებულები ვართ საარჩევნო პროცესით, რადგან ძალიან ბევრი ადამიანის ხმა არ იქნა დაცული!
ჩვენ ყველამ კარგად ვიცით, რომ უსკოს შედეგები მეორე დღეს დილის 09:00 საათზე ცხადდება, მაგრამ წელს ასე არ მოხდა. იცით რატომ? 69-ე ოლქის პირველ უბანზე ოქმი დილის 10:30 საათზე დაიწერა. ასეთი შემთხვევები ძალიან ბევრია. კიდევ ერთხელ ვიმეორებ, არ ვაპირებთ ამასთან შეგუებას. დავსხდებით გუნდი და კონკრეტულ გეგმებს დავსახავთ ამ პრობლემების გადასაჭრელად, რომელსაც ჩვენ მალე მოგახსენებთ“, აცხადებს ვარშალომიძე.
