ნაციონალური მოძრაობის წარმომადგენელმა, ნიკა მელიამ, უბნების დახურვამდე ცოტა ხნით ადრე ბრიფინგი გამართა და დამკვირვებლებსა და კომისიის წევრებს ხმების დაცვისკენ მოუწოდა.
მან ასევე მოუწოდა საზოგადოების იმ ნაწილს, რომელიც ჯერ კიდევ არ მისულა არჩევნებზე, გამოიყენოს დარჩენილი დრო, რათა, მისი თქმით, „აგონიაში მყოფი ხელისუფლება, რომელიც დგამს გაუთვიცნობიერებელ ნაბიჯებს და მართვის სადავეები აქვს ხელიდან გაქცეული, საბოლოოდ, საზოგადოების უმნიშვნელოვანეს ნაწილთან ერთად, დავამარცხოთ“.
ნიკა მელია აცხადებს, რომ ახლა ასევე ყველაზე მნიშვნელოვანი ეტაპი იწყება.
„უბნების დახურვის შემდეგ დგება ხმების დაცვის ეტაპი, სადაც მოვუწოდებთ ყველა კომისიის წევრს, ყველა დამკვირვებელს, ვიყოთ მაქსიმლურად მობილიზებული. ეს არჩევნები მილიარდერ ივანიშვილს აქვს წაგებული და ახლა ამ ხმების დაცვის პასუხისმგებლობა აკისრია ყველა ოპოზიციურად განწყობილ კომისიის წევრს და დამკვირვებელს,“ - აცხადებს ნიკა მელია.
