მარნეულში, ყიზილაჯლოს 48-ე უბანზე ფიზიკური დაპირისპირება გრძელდება. დაპირისპირებულმა მხარეებმა ერთმანეთს ქვები დაუშინეს. ადგილზე სამართალდამცველები ადგილზე მივიდენ, თუმცა ამ დრომდე რჩებიან შეკრებული ადამიანები, რომელთაც ბლოკირებული აქვთ უბანი და ხმის მიცემის პროცედურა შეჩერებულია. ისინი სკანდირებენ „მიშა“ და „ნაციონალური მოძრაობის “მაჟორიტარობის კანდიდატის სახელს „ახმედს“. ადგილზე მოვიდა თავად კანდიდატიც, ახმედ იმამკულიევი.
მისი განცხადებით, „ნაციონალური მოძრაობა“ იგებდა, რის შემდეგაც უბანზე „კუნთმაგარი ბიჭები“ მივიდნენ და „ნაც მოძრაობის“ წარმომადეგენელს სთხოვეს დაეტოვებინა უბანი. უარის შემდეგ ძალით დაატოვებინეს ტერიტორია და ყუთებში ბიულეტენები ჩაყარეს. იმამკულაევის თქმით,სწორედ ამან გამოიწვია დაპირისპირება უბანზე.
კანდიდატი პრემიერ-მინისტრი გიორგი კვირიკაშვილს მოუწოდებს, დაელაპრაოკოს ხალხს და მათ თვალწინ გაიხსნას ყუთები და დაითვალოს ხმები. ამისთვის იმამკულაევმა კვირიკაშვილს ერთი საათი მისცა, ის დროს, რაც მისი თქმით, თბილისიდან მარნეულამდე ჩასვლას სჭირდება.
