პირველად საქართველოს არჩევნების ისტორიაში ნებისმიერ მსურველს შესაძლებლობა ექნება ცეესკოში არჩევნების შედეგების დათვლის პროცესს ინტერნეტ ტრანსლირების საშუალებით დააკვირდეს (Facebook; YouTube). ცესკოს ცენტრალური ოფისიდან, ხმების დათვლის პროცესის გამჭვირვალობის მიზნით 360 გრადუასიანი სტრიმინგი განხორციელდება. მაყურებლი ყველა რაკურსიდან, პირდაპირ ეთერში იხილავს ხმების დათვლის პროცედურას.
სტრიმინგს სამი კომპანიის გაერთიანება უზრუნველყოფს - „აიმედია ჰაბი“, „ვიარექსი“ და „ინტერნეტ ფეისი“. „აიმედია ჰაბი“ და „ვიარექსი“ (VRex) პროექტ „სტარტაპ საქართველოს“ გამარჯვებული კომპანიები არიან, რომლებიც ინოვაციურ და მაღალტექნოლოგიურ ნაწილში კონკურსის წესით გამოვლინდნენ. 360 გრადუსიანი ლაივსტრიმინგი საქართველოში ახალი დანერგილია. არჩევნებისთვის მსგავსი ტექნოლოგია მხოლოდ ერთხელ, აშშ-ი რესპუბლიკური პარტიიდან კანდიდატის შერჩევის დროს გამოყენეს.
პირველად საქართველოს არჩევნების ისტორიაში ცეესკოში ხმების დათვლის პროცესის ინტერნეტ ტრანსლირება, ლაივსტრიმინგისა და 360 გრადუსიანი კამერების ინტეგრაციით მოხდება. პროექტი უპრეცედენტოა და დასახელებული კომპანიებისა და ცეესკოს ერთობლივი ძალისხმევით ხორციელდება.
