კახეთის საინფორმაციო ცენტრის ინფორმაციით, პანკისის სოფელ ჯოყოლოს საარჩევნო უბანზე, კენჭისყრის შენობაში, კომისიის წევრები ქისტურ ენაზე ამომრჩევლებს მოუწოდებენ, ხმა „ქართული ოცნების“ გარდა სხვა პარტიებს და მაჟორიტარობის კანდიდატებს არ მისცენ.
ამომრჩევლებზე ზეგავლენის მოხდენის მიზნით, კომისიის წევრები ქისტურად იწყევლებიან კიდეც. ეს ინფორმაცია კახეთის საინფორმაციო ცენტრს რამდენიმე ამომრჩეველმა დაუდასტურა.
კომისიის წევრები არ ადასტურებენ, რომ ამომრჩევლებს „ქართული ოცნების“ მხარდაჭერას მოუწოდებენ.
