12:00 საათის მონაცემებით, ამომრჩეველთა აქტივობამ 19,81% შეადგინა. ამის შესახებ ცესკო-ს სპიკერმა ანა მიქელაძემ საინფორმაციო ბრიფინგზე განაცხადა. მისი თქმით, რაოდენობრივად აღნიშნული მაჩვენებელი 695 948 ამომრჩეველს შეადგენს.
ანა მიქელაძის ინფორმაციით, ამ დროისათვის ყველა საარჩევნო უბანზე ხმის მიცემის პროცესი მშვიდ გარემოში მიმდინარეობს.
მიქელაძემ,ამომრჩეველს შეახსენა, რომ 24 საათის განმავლობაში მუშაობს ცენტრალური საარჩევნო კომისიის სატელეფონო-საინფორმაციო ცენტრი, რომლის ტელეფონის ნომერია- 2 51 00 51; ასევე, ონლაინ ჩატი და ონლაინ ოპერატორი.„მოქალაქეებსა და დაინტერესებულ მხარეებს შეუძლიათ მიიღონ არჩევნებთან დაკავშირებული ნებისმიერი სახის ინფორმაცია”, – განაცხადა ანა მიქელაძემ.
