"ნაციონალური მოძრაობის" წევრმა, პეტრე ზამბახიძემ სპეციალურად გამართულ ბრიფინგზე განაცხადა, რომ სერიოზული დარღვევები დაფიქსირდა ბათუმში.
მისი განმარტებით, პროცედურულ დარღვევებთან ერთად, დაფიქსირდა ე.წ კარუსელის ფაქტი. როგორც მან აღნიშნა, ბათუმის მე- 6 უბანზე კარუსელი დატრიალდა - მამაკაცმა 2-ჯერ მისცა ხმა და იგივეს გაკეთებას მესამედაც ცდილობდა.
"103-ე უბანზე, სადაც თვითმმართველობის არჩევნები მოვიგეთ, პოლიციის მობილიზება ხდება, რომელებიც სამოქალაქო ტანისამოსში არიან. არავინ ვიცით რატომ არიან იქ. როგორც ჩანს, მათ ამომრჩეველზე ზემოქმედება სურთ", - განაცხადა ზამბახიძემ.
პარტიის მონაცემებით, მათ აქვთ შესაბამისი ვიდეობი და ასევე, დაწერილი აქვთ 30-მდე საჩივარი.
