ცესკო საარჩევნო უბნებზე შეფერხებების მიზეზებს განმარტავს. ,,მინდა გაგაცნოთ რამდენიმე ინფორმაცია. კონკრეტულად რამდენიმე საარჩევნო უბანზე, ხმის მიცემის პროცესი დაიწყო რამდენიმე წუთით გვიან. "სამგორის 22-ე საარჩევნო უბანზე საარჩევნო პროცესი 3 წუთის დაგვიანებით დაიწყო. მთაწმინდის მე-6 საარჩევნო უბანზე, ასევე ქუთაისის 27-ე საარჩევნო უბანზე5 წუთის დაგვიანებით დაიწყო," - განაცხაა ანა მიქელაძემ.
მისი განმარტებით, არსებიბს შეფერხების სხვადასხვა მიზეზი.
"აღნიშნული გამოწვეული იყო იმით, რომ საარჩევნო უბანზე არის წარმოდგენილი ბევრი წარმომადგენელი, ასევე სხვადასხვა მედიაორგანიზაციის წარმომადგენელები, ასევე ადგილობრივი დამკვირვებელი ორგანიზაციები და მათ ესაჭიროებოდათ დროულად რეგისტრაციის გავლა. გარდა ამისა, ზუგდიდის მე-18 უბანზე, დაახლოებით 30-40 წუთით შეფერხდა პროცესი. ფოთის 61-ე ოლქში, მე-8 უბანზე დაახლოებით 30 წუთით შეფერხდა პროცედურები. ბათუმის #1 საარჩევნო უბანზე, წარმომადგენელი გააძევეს უბნიდან, რომელიც ხელს უშლიდა არჩევნების მიმდინარეობის პროცესს. საარჩევნო უბანზე გამოძახებული იყო პატრული, ასევე გაძევებული იქნა არასამთავრობო ორგანიზაცია თავისუფალი და თანასწორობის ინსტიტუტის დამკვირვებელიც,“ - განაცხადა ანა მიქელაძემ.
