"სამწუხაროდ, მოუმზადებელია საარჩევნო ადმინისტრაცია“, აღნიშნული შეფასება "ერთიანი ნაციონალური მოძრაობის" აჭარის ორგანიზაციის წევრს პეტრე ზამბახიძეს ეკუთვნის, რომელმაც საარჩევნო პროცესის მიმდინარეობის საინფორმაციო ბრიფინგი გამართა.
„არ აძლევენ "ნაციონალური მოძრაობის" წევრებს წილისყრაში მონაწილეობის უფლებას, რომ ჰქონდეთ სხვა ფუნქცია, გარდა გადასატანი ყუთისა. სურვილი აქვთ, გაიყვანონ უბანს გარეთ პარტიის დამკვირვებლები, რაც აჩენს ეჭვს, რომ უბანზე მიმდინარეობს დარჩვევები.
ბათუმის #1 უბნიდან საერთოდ გამოაძევეს ჩვენი დამკვირვებელი, რომელმაც მითითება მისცა დარღვევებზე. კომისიის წევრი ეწეოდა აგიტაციას და ამ საკითხზე მიუთითა. ასევე, ყუთს ჰქონდა ძველი ლუქი, რომელზეც ჩვენმა წარმომადგენელმა მიუთითა, რომ ძველი უნდა მოეხსნათ და ახალი ლუქი გაეკეთებინათ. მან საჩივარიც დაწერა", - განაცხადა პეტრე ზამბახიძემ.
