„სახელმწიფო ხალხისთვის“ ლიდერმა პაატა ბურჭულაძემ საკუთარი არჩევანი გააკეთა. პაატა ბურჭულაძემ ხმა საბურთალოს რაიონში 61-ე საარჩევნო უბანზე მისცა, სადაც ქალიშვილთან და პარტიის წევრებთან ერთად მივიდა.
„ხმა მივეცი საქართველოს თავისუფლებას, გაჭირვების წინააღმდეგ ბრძოლას. ვფიქრობ, დღეს იქნება დიდი აქტიურობა. გთხოვთ ყველას, არ დაიზაროთ და მოდით არჩევნებზე. ხვალ დილით უკვე იქნება გვიან. მოდით და ის 4 წელი, რომელიც მოდის არ გავიფუჭოთ, რათა გქონდეთ ბედნიერი მომავალი”, - განაცხადა ბურჭულაძემ.
