განვლილ ოთხ წელს „ნაციონალური მოძრაობა“ როგორც ცუდ სიზმარს, წყალს გავატანთ, - განაცხადა,, ნაციონალური მოძრაობის“ ერთ-ერთმა ლიდერმა გიგა ბოკერიამ საარჩევნო უბანზე ხმის მიცემის შემდეგ.
„დღეს ყველამ უნდა გადავდგათ და დარწმუნებული ვარ, გადავდგამთ კიდევაც, პრინციპული ნაბიჯი ევროპაში საქართველოს სწრაფი დაბრუნებისკენ, დასავლურ სივრცეში დაბრუნებისკენ. ამას სჭირდება გუნდი, როგორიც არის „ნაციონალური მოძრაობა“.
ჩვენ დავივიწყებთ ოთხ წელს, სიძულვილს და შუღლს წყალს გავატანთ როგორც ცუდ სიზმარს და ვიქნებით ფოკუსირებული იმაზე, როგორ გამოვიდეთ სწრაფად ამ ჭაობიდან, როგორ გამოვიყვანოთ ქვეყანა უფსკრულიდან, როგორშიც ივანიშვილმა მიიყვანა ქვეყანა.
მოლოდინებზე საუბარი არ მიყვარს. რა განზრახვაც არ უნდა ჰქონდეს ვინმეს, განსაკუთრებით შუშის სასახლეში მჯდომ კაცს, ყველაფერს გავაკეთებთ, რომ არავის მივცეთ საშუალება სიმშვიდე დაარღვიოს“, - აღნიშნა ბოკერიამ.
