ე.წ. სამხრეთ ოსეთი 8 ოქტომბერს საქართველოში დაგეგმილ არჩევნებთან დაკავშირებით ე.წ. საზღვარს დაკეტავს. ინფორმაციას ამის შესახებ ინფორმაციას სააგენტო “სპუტნიკ ოსეტია” ე.წ. სამხრეთ ოსეთის დეფაქტო სახელმწიფო უსაფრთხოების კომიტეტზე დაყრდნობით ავრცელებს.
ცხინვალის საოკუპაციო რეჟიმის გადაწყვეტილებით, ე.წ. საზღვარი 7 ოქტომბერს 20:00 საათიდან დაიკეტება. გამშვები პუნქტები მუშაობას ჩვეულ რეჟიმში 9 ოქტომბრის 07:00 საათიდან განაახლებენ.
ე.წ. სახელმწიფო უსაფრთხოების კომიტეტის განმარტებით, ე.წ. საზღვრის დაკეტვის გადაწყვეტილება ცხინვალმა არსებული ინფორმაციის გამო მიიღო, რომლის თანახმადაც, არჩევნების დღეს რადიკალურად განწყობილი ჯგუფები საქართველოში საზოგადოებრივ-პოლიტიკური ვითარების დესტაბილიზაციის მიზნით პროვოკაციებს გეგმავენ.
