ევროპარლამენტისა და ევროკავშირის საბჭოს წარმომადგენლები ვიზალიბერალიზაციის შეჩერების მექანიზმის საკითხს დღეს განიხილავენ. აღნიშნული ინფორმაცია გუშინ საქართველოს საგარეო საქმეთა მინისტრთან მიხეილ ჯანელიძესთან ერთობლივ პრესკონფერენციაზე ევროკავშირის თავმჯდომარე ქვეყნის, სლოვაკეთის საგარეო საქმეთა მინისტრმა მიროსლავ ლაიჩაკმა დაადასტურა.
5 ოქტომბერს ევროკავშირის მუდმივ წარმომადგენელთა კომიტეტი (COREPER) დათანხმდა საქართველოს ვიზალიბერალიზაციის საკითხზე ევროპარლამენტთან მოლაპარაკებების დაწყებას. ევროკავშირის საბჭოს გადაწყვეტილებით, საქართველოს ვიზალიბერალიზაციისა და შეჩერების ახალი მექანიზმის ამოქმედება ერთდროულად უნდა მოხდეს.
