აფეთქებაზე პასუხიმგებლობა ხელისუფლებას ეკისრება, - განაცხადა „ჯი-ეიჩ-ენთან“ საუბარში ბლოკ „პაატა ბურჭულაძე სახელმწიფო ხალხისთვის“ ვაზიუსბნის მე-8 ოლქის მაჟორიტარობის კანდიდატმა სერგო ჩიხლაძემ.
„ფაქტი მიუღებელია, დასაგმობია. მაშინ, როცა ხელისუფლება არჩევნების წინ, აკეთებს განცხადებებს, რომ იარაღის სამალავები აღმოაჩინეს და ამით, ხელოვნურად ძაბავს სიტუაციას, ქალაქის ცენტრში ასეთი რამ, არ უნდა ხდებოდეს. სწორედ, თავიანთივე განცხადებების გამო, უნდა ყოფილიყო გაძლიერებული უსაფრთხიოების ზომები. მით უფრო, როცა ოპონენტი პარტიების მისმართით გამოთქვამ ეჭვს, რომ პროვოკაციებს მოაწყობენ. ყველა შემთხვევაში, ცხადია, პასუხისმგებლობა ხელისუფლებას ეკისრება. უაბრალოდ, თუ გავითვალისწინებთ წინასწარ მონაცემებს, დღეისათვის არსებულ მმართველ პარტიას, კარგი შედეგები არ აქვს. ნებისმიერი ეჭვი, რომელიც ამის გამო შეიძლება გამოითქვას, ვგულისხმობ ხელისუფლების კავშირს აფეთქებასთან, უსაფუძვლო არ იქნება. თუმცა, ეს გამოძიების პრეროგატივაა. ერთი რამ შეიძლება ითქას, ეს აფეთქება ხელისუფლება კრახია და იმავე წაინასწარი შედეგების მიხედვით თუ ვიმსჯელებთ, სიატუაციის ესკლაცია სწორედ ხელისუფლებას აწყობს“, - განაცხადა ჯი-ეიჩ-ენთან“ საუბარში სერგო ჩიხლაძემ.
შეგახსენებთ, რომ 4 ოქტომბერს, თბილისში, ბარათაშილის ხიდთან დეპუტატ გივი თარგამაძის ავტომობილი ააფეთქეს. სხეულის მძიმე დაზიანებები სამმა ადამიანმა მიიღო, ისინი საავადმყოფოში არიან გადაყვანილები. თავად დეპუტატს და მის მძღოლს მძიმე დაზიანებები არ მიუღიათ. აფეთქების შედეგად დაშავებული ერთ-ერთი მოქალაქე ინგოროყვას კლინიკაშია გადაყვანილი. როგორც კლინიკაში აცხადებენ, მისი მდგომარეობა უკიდურესად მძიმეა.
შს მინისტრის პირველი მოადგილის, ბესიკ ამირანაშვილის, განცხადებით, უწყებამ გამოძიება სსკ-ის 109-ე მუხლით დაიწყო, რაც გულისხმობს განზრახ მკვლელობას დამამძიმებელ გარემოებებში.
„ამ ეტაპზე მომხდარის კონკრეტულ დეტალებზე ვერ ვისაუბრებ, მაგრამ გამოძიება დაიწყო შინაგან საქმეთა სამინისტრომ სისხლის სამართლის კოდექსის 109-ე მუხლით, რაც გულისხმობს განზრახ მკვლელობას დამამძიმებელ გარემოებებში. შემთხვევის ადგილზე მუშაობს ექსპერტ-კრიმინალისტების ჯგუფი. ტარდება ყველა პირველადი საგამოძიებო მოქმედება და უახლოეს პერიოდში ვეცდებით, რომ საქმეზე დავადგინოთ ჭეშმარიტება,“ - აცხადებს ბესიკ ამირანაშვილი.
