გაჩნდა შანსი, რომ მეორე ადგილზე, „ქართული ოცნების“ შემდეგ, „თავისუფალი დემოკრატები“ გავიდნენ და ეს არის ძალიან კარგი შანსი“,-განაცხადა ბიძინა ივანიშვილმა. მის თქმით, ბოლო 2 კვირაში „ნაციონალურმა მოძრაობამ“ საკუთარი თავის მარგინალიზება მოახდინა.
“კვლევას უნდა დრო, ამას ორი კვირა და მეტი სჭირდება. ბოლო 2 კვირის შედეგებს ჯერ ვერცერთი კვლევა ვერ დადებდა, ვერც ამერიკელების მიერ „იმედში“ გაკეთებული კვლევა ვერც „რუსთავი 2”-ის კვლევა. ეს 2 კვირაზე ადრეა ჩატარებული. ხალხში გარდატეხის შანსი გაჩნდა, იმდენად ამარგინალებენ საკუთარ თავს.
პარლამენტი მრავალპარტიული იქნება, ჩემი აზრით 5-6 პარტია შევა. „იმედის“ ბოლო კვლევებში 31 პროცენტი ამბობს, არ ვარ ჯერ მზად. 10 პროცენტი არ ამბობს. 40-41 პროცენტი იყო ჩამოუყალიბებელი დაახლოებით. 59 პროცენტიდან, რომლებმაც თქვეს, რომ მივდივართ არჩევნებზე 32,7 აძლევდა „ქართულ ოცნებას“, ნახევარზე მეტი და შემდგომ მოდიოდნენ რამდენიმე პარტია. აი იმ 41 პროცენტის გადანაწილება იქ როგორც მოხერხდა 41 პროცენტი დაუწერეს „ოცნებას“.ყველაზე კარგი შედეგი ჰქონდათ „თავისუფალ დემოკრატებს“. აგონიაში მყოფმა „ნაციონალურმა მოძრაობამ“ პირველ რიგში ძალიან გამოაშკარავა საკუთარი თავი და სახე ძალიან კარგად აჩვენა. გაჩნდა შანსი იმისა, რომ „თავისუფალი დემოკრატები“ მეორე ადგილზე გავიდნენ. კარგი იქნება, მთავარი ოპოზიციური ძალა არჩევნების შემდეგ „თავისუფალი დემოკრატები“ იყვნენ. ასეთი სცენარით „ნაციონალური მოძრაობა“ 5 კაცით გავა ალბათ, მიიღებს თავის მინიმუმს, შეიძლება საერთოდაც ვერ შევიდეს. ვნახოთ, დარჩენილ 3 დღეში შეიძლება ახლებურად აჩვენონ კიდევ საკუთარი სახე. თუ ამას გააგრძელებენ, რაც ბოლო 2 კვირაში ხდება, არ გამოვრიცხოთ, რომ პარლამენტის გარეშეც დარჩნენ. ისე კარგი იქნება რომ პარლამენტში 5 კაცით მაინც იყვნენ წარმოდგენილი, რომ ხალხს არ დაავიწყდეს ვინ არიან ესენი და რას წარმოადგენენ.
ყოფილი პრემიერ-მინისტრის განცხადებით, „ნაციონალური მოძრაობის“ მაჟორიტარობის კანდიდატები ვერსად გაიმარჯვებენ, მათ შორის ვერც ზუგდიდში.
„მაჟორიტარს ვერსად ვერ მოიგებს ნაციონალური მოძრაობა გასაგებია და ძალიან მარტივია. მათ შორის ვერც ზუგდიდში ვერ მოიგებს ის ქალბატონი. ვერსად ვერ მოიგებს ეს არის ორჯერ ორი ოთხი. პარტიული სიიდან საშუალო შედეგი მათი 10 კაცი იყო, ახლა მინდა კორექტირება შევიტანო, მინიმუმი 5 იყო, მაქსიმუმი 15. რომ მოხდეს რაღაც საოცრება და ჩვენი ამომრჩეველი არ მოვიდეს და მაგათი ყველა მოვიდეს 5-დან საშუალო 10. ბოლო 2 კვირის, მათ აგონიაში მყოფ შეცდომებს თუ გავითვალისწინებთ აშკარა სიცრუეს აღარ ერიდებიან და საკუთარი თავის მარგინალიზაციას ახერხებენ “,-განაცხადა ივანიშვილმა.
