1 ოქტომბერს, 13.00 საათზე, მარშალ გელოვანის გამზირი 36-ში, საქართველოს პირველი ვიცე-პრემიერი, დიმიტრი ქუმსიშვილი სკანდინავიური ბრენდის “იუსკ გრუფის“ (JYSK GROUP) პირველი მაღაზიის გახსნის ცერემონიას დაესწრება.
JYSK-ი გლობალური საცალო სავაჭრო ქსელია, რომელიც ოპერირებს “ყველაფერი სახლისთვის” პრინციპით. ამ ეტაპზე “იუსკ გრუფს“ მსოფლიოს 43 ქვეყანაში 2 300-ზე მეტი მაღაზია აქვს, სადაც 20 000-ზე მეტი თანამშრომელია დასაქმებული. ამ ჩამონათვალს 44-ე ქვეყნის სტატუსით საქართველოც შეუერთდა.
მარშალ გელოვანის გამზირზე „იუსკის“ ახალი მაღაზია 1300 კვ.მ-ზეა განთავსებული. კომპანია თბილისსა და საქართველოს რეგიონებში კიდევ 4 ახალი მაღაზიის გახსნას გეგმავს.
