საქართველოს პოლიტიკური ნება და სწრაფვა, რეფორმები განახორციელოს, აღფრთოვანებას იწვევს. ამის შესახებ ევროპარლამენტში პოლიტიკური დიალოგის ფორმატში გამართულ სხდომაზე ევროპარლამენტის ფინელმა დეპუტატმა და საპარლამენტო ასამბლეის თავმჯდომარემ ჰეიტი ჰაუტალამ განაცხადა.
„ საქართველო ასოცირების შეთანხმებით აღებულ ვალდებულებებს პირნათლად ასრულებს. ეს უაღრესად მნიშვნელოვანია, რადგანაც ასოცირების შეთანხმებამ ქართველი ხალხის სასიკეთოდ უნდა იმუშაოს. განსაკუთრებით არის აღსანიშნავი ის ფაქტიც, რომ პროცესში სამოქალაქო საზოგადოებაც აქტიურად არის ჩართული,“-აღნიშნა პოლიტიკოსმა.
მისივე თქმით, საქართველოსთვის ვიზალიბერალიზაციის მინიჭების საკითხი ევროკავშირის წევრი ქვეყნების პოლიტიკის მძევალი გახდა, თუმცა ევროპარლამენტმა საკითხის გადასაწყვეტად ყველა ღონე უნდა იხმაროს.