აჭარის სოფლის მეურნეობის მინისტრი „ნარინჯისფერ რთველს“ წარმატებისთვის ამზადებს და ცდილობს, რომ ციტრუსის ექსპორტი გაიზარდოს. ამ მიზნით ლაშა კომახიძე დღეს აზეიბარჯანის გენერელურ კონსულს რაშად ისმაილოვს შეხვდა. გაცნობითი ხასიათის შეხვედრაზე მხარეებმა მოახლოებულ ციტრუსის სეზონზე და მისი იმპორტის საკითხებზე იმსჯელეს.
როგორც შეხვედრაზე აზეირბაჯანის ელჩმა განაცხადა, სასოფლო-სამეურნეო დარგში თანამშრომლობას აჭარა -აზეიბარჯანის ურთიერთობებში მნიშვნელოვანი ადგილი აქვს განკუთვნილი.
აღსანიშნავია, რომ მიმდინრე წლის რეგიონში 55–60 ათას ტონა ციტრუსის მოსალოდნელს ელოდებიან. უკვე ცნობილია, რომ ქობულეთის ციტრუსის გადამამუშავებელი საწარმოები მიიღებენ და გადაამუშავებენ 15 000 ტონამდე არასტანდარტულ მანდარინს. სტანდარტულ მანდარინს მიმდინარე წლის სეზონზე მიიღებს 40–მდე ციტრუსის მიმღებ დამხარისხებელი საწარმოები რომელის სიმძლავრე შეადგენს 30 000 ტონას. მოხდება პლასტმასის, მუყაოსა და შპონის (ხის) ტარაში პროდუქციის შეფუთვა, პალეტებად შეკვრა და ექსპორტირება. საექსპორტოდ განკუთვნილ ტარა მასალას ადგილობრივი სიმძლავრეებით შესაძლებელია 45 000 ტონის გადატვირთვის უზრუნველყოფა. ციტრუსის ნაყოფის დროებით შენახვის აუცილებლობის შემთხვევაში რეგიონში არსებული სამაცივრე დანადგარებით, შესაძლებელია 7000 ტონამდე ციტრუსის შენახვა.
