რუსეთის მიერ საექსპორტო ხორბალზე გადასახადის „განულება“ ხორბლის ფასს ტონაზე დაახლოებით 3-4 დოლარით გააიაფებს.
ხორბლისა და ფქვილის მწარმოებელთა ასოციაციის ხელმძღვანელი ლევან სილაგავა აცხადებს, რომ რუსეთის მიერ გადასახადის გაუქმება მსოფლიო ბაზარზეც ადექვატურად აისახება. სილაგავა მიიჩნევს, რომ აღნიშნული ქმედება რუსეთს სხვა ბაზრების ათვისებაში და ექსპორტის ზრდაში დაეხმარება.
„რუსეთის მიერ ხორბლის ექსპორტზე დაწესებული გადასახადის გაუქმება გავლენას მსოფლიო ბაზაერზეც იქონიებს.
გადასახადის გაუქმება შესაძლოა რამდენიმე ფაქტორს უკავშირდებოდეს, მათ შორის ეგვიპტურ ბაზარზე წარმოქნილ პრობლემებსაც. თუმცა ჩემი აზრით ეს განპირობებული იყო იმითაც, რომ ექსპორტის პრობლემა არ შექმნილიყო და ამიტომ ქვეყანამ გადასახადის გაუქმება გადაწყვიტა, იმაზე ადრე ვიდრე ეს დაგეგმილი ქონდა. თავის მხრივ კი საექპორტო ბაჟის მოხნა 2018 წლის 1-ელ ივლისამდე იყო დაანონსებული“, აცხადებს სილაგავა.
ამ ყველაფერს დამატა ისიც, რომ წელს რუსეთში მარცვლეულის საკმაოდ კარგი მოსავალია. წინასწარი გათვლებით, ქვეყანა 110 მლნ ტონა მარცვლეულის აღებას ვარაუდობს, საიდანაც 75 მლნ ტონა ხორბალი იქნება.
ხორბლისა და ფქვილის მწარმოებელთა ასოციაციის ხელმძღვანელი ამბობს, რომ რუსეთმა საექსპორტო ბაჟი 2015 წლის თებერვალში შემოიღო, რადგან სურდა ვალუტის კურსის რყევის დროს საკუთარი ბაზარი დაეცვა. მისივე ინფორმაციით, იმ პერიოდში რუსეთიდან ექსპორტის ინტენსიური გადინება დაიწყო და ასევე მარაგების პრობლემაც წარმოექმნა.
ბოლო ინფორმაციის მიხედვით, ეგვიპტემ რუსეთიდან 240 ათასი ტონა ხორბალი იყიდა. იმავდროულად რუსეთმა და სხვა ექსპორტიორმა ქვეყნებმა ეგვიპტეს გარკვეული პირობები წამოიყენეს, რომლის მიხედვითაც ექსპორტიორი ქვეყნის პორტში დადებული ანალიზი იქნება საბოლოო, რომელსაც თავის მხრიც ეგვიპტელი ინსპექტორები იძლევიან, ხორბლის სათანადო შემოწმების შემდეგ.
როგორც ცნობილია, ეგვიპტემ რუსეთიდან ხორბლის იმპორტი შეაჩერა, ეს იმ ფონზე როდესაც ქვეყნის მთლიან მოხმარებაში რუსული ხორბლის წილი 65%-ის შეადგენდა. რუსული ხორბლისათვის ეგვიპტე ერთ-ერთი ძირითადი მომხმარებელი იყო, რადგანაც გასულ სეზონზე რუსეთმა საკუთარი საექსპორტო ხორბლის მეოთხედი სწორედ ეგვიპტეში გაყიდა.
დღეს კი რუსეთმა ხორბლის ექსპორტზე დაწესებული გადასახადი გაანულა.
