რუსეთმა ხორბლის ექსპორტზე დაწესებული გადასახადი გაანულა, – ამის შესახებ რუსეთის სოფლის მეურნეობის მინისტრმა ალექსანდრ რკაჩოვმა განაცხადა.
„მინდა ინფორმაცია მივაწოდო სოფლის მაცხოვრებლებს, ტრეიდერებს, რომ დღეიდან ხორბალზე დაწესებული საექსპორტო გადასახადი გაუქმებულია“, – განაცხადა მინისტრმა.
მინისტრის განმარტებით, აღნიშნული გადაწყვეტილებით, ხელისუფლებას სურს, ტრეიდერებს თავისუფლად ოპერირების საშუალება მიეცეთ და გრძელვადიანი მიწოდების პირობებში ხელის შემშლელი ფაქტორები აღარ ჰქონდეთ.
საექსპორტო გადასახადი რუსეთში 2015 წლის 1 თებერვლიდან მოქმედებდა და ეს ხორბლის შიდა ბაზარზე სიტუაციის დასტაბილურებას ემსახურებოდა. ამის შემდეგ საგადასახადო ფორმულა რამდენჯერმე შეიცვალა. 2016 წლის 1 ოქტომბრიდან კი საექპორტო გადასახადი საბაჟო გადასახადის 50%-ს შეადგენდა.
