გარემოსა და ბუნებრივი რესურსების დაცვის მინისტრი გიგლა აგულაშვილი დაცული ტერიტორიების სააგენტოს თავმჯდომარესთან, ლაშა მოისწრაფიშვილთან ერთად, ოკაცეს კანიონსა და კინჩხას ჩანჩქერზე იმყოფებოდა.
მინისტრი კინჩხას ჩანჩქერის ბუნების ძეგლზე დაგეგმილ ინფრასტრუქტურულ პროექტებს გაეცნო. დაცული ტერიტორიების სააგენტო ბუნების ძეგლზე ვიზიტორთა ცენტრის მშენებლობას და ტურიტული ინფრასტრუქტურის მოწყობას გეგმავს. მინისტრი ოკაცეს კანიონზე, ვიზიტორთა ცენტრშიც იმყოფებოდა, სადაც ახალი საგამოფენო დარბაზი დაათავლიერა.
დღესვე, გიგლა აგულაშვილი ადგილობრივ მოსახლეობასა და მონადირეებსაც შეხვდა და ტყითსარგებლობასთან დაკავშირებული საკითხები განიხილა. ზამთრის სეზონის მოახლოებასთან დაკავშირებით შეშით მომარაგება; ტყეკაფამდე მისასვლელი სატყეო გზები და სხვა ბუნებრივი რესურსებით სარგებლობა - ეს იმ საკითხების ჩამონათვალია, რაზეც მინისტრმა ვრცლად ისაუბრა.
გარემოსა და ბუნებრივი რესურსების დაცვის სამინისტრო აქტიურად მუშაობს ქვეყნის მასშტაბით ბუნებრივი რესურსებით სარგებლობის ხელმისაწვდომობის გაუმჯობესებასა და ბუნებათსარგებლობის მდგრადი პრინციპების გათვალისწინებით რეგულირებაზე.
