დავით უსუფაშვილი რომ არ ყოფილიყო ქვეყნის ერთ-ერთი მთავარი პირი, თქვენ ქვეყანას კატასტროფაში გადაჩეხავდით, - ასე მიმართა ,,რესპუბლიკური პარტიის” ზესტაფონის მაჟორიტარმა დეპუტატმა თინა ხიდაშელმა გადაცემა ,,არჩევანში“ ,,ქართული ოცნების“ წარმომადგენელს.
,,ჩვენ წინა ხაზზე ვინც ვიდექით ქვას რომ გვესროდნენ, რესპუბლიკელები და თავისუფალი დემოკრატები ვიყავით პირველი პარტნიორები და დამფუძნებელი კოალიციის. ჩვენ აგვირჩია ხალხმა, ჩვენ პასუხისმგებლობას არ გავუბირვართ. ბრძოლაში როცა ვართ, იმ ბრძოლას ბოლომდე ვასრულებთ. 4 წელი პატიოსნად ვემსახურეთ ქართველ ხალხს, იქ, სადაც გვქონდა მანდატი, შესაძლებლობა, მაგალითად თავდაცვის სამინისტროში, სადაც მე შემეძლო, რომ გამეტარებინა რეფორმები. თქვენ ძალიან ბევრი შეცდომა დაუშვით პარლამენტში, დავით უსუფაშვილი რომ არ ყოფილიყო ქვეყნის ერთ-ერთი მთავარი პირი, თქვენ ქვეყანას კატასტროფაში გადაჩეხავდით, ეს იყო მისი მთავარი ფუნქცია“, - განაცხადა ხიდაშელმა
