გადაცემაში „შეხვედრები რეგიონულ მედიასთან“, ბიძინა ივანიშვილმა პოლიტიკურ პარტიებთან დაკავშირებით საუბრისას აღნიშნა, რომ „მრეწველებს“ პრორუსული კვალი დაედოთ. ივანიშვილმა კომენტარი გააკეთა „ეროვნული ფორუმის“ შესახებაც და განაცხადა, რომ მათი ამბავიც გაუგებარია.
„ორიოდე სიტყვით „მრეწველებზეც“ ვიტყვი, რადგან ისინი კოალიციის წევრები იყვნენ. მაგრამ თუ გავიხსენებთ გოგი თოფაძის რამდენიმე განცხადებას, რომლებიც მისი პრორუსულობის ეჭვს იწვევდა, შემდგომ ეტაპზე მათ პრაქტიკულად ეს მიმართულება დახვეწეს. დღეს „მრეწველებს“ აშკარად პრორუსული კვალი დაედოთ. შესაბამისად, „მრეწველებს“ ფავორიტებში „თავისუფალი დემოკრატებისა“ და „რესპუბლიკელების“ გვერდით ვეღარ დავასახელებ.
სამწუხაროდ, „ეროვნული ფორუმის“ ამბავიც გაუგებარია, არ ჩანან. ერთი გამოჩენა, რაც ვნახე, სადღაც მაჟორიტარი აირჩიეს და იქაც ძირითადი განცხადება ის ჰქონდათ, რომ ბიძინა უნდა დამთავრდეს პოლიტიკაშიო. შესაბამისად, დღეს მათზე ბევრს ვერაფერს ვილაპარაკებ“, - განაცხადა ივანიშვილმა.
