ექს-პრემიერ ბიძინა ივანიშვილის შეფასებით, „უბლოკო სტატუსი ცოტა ბლეფია“ . იმერეთის რეგიონის ჟურნალისტებთან შეხვედრისას მან ნინო ბურჯანაძის შანსებსა და საქართველოს “უბლოკოს სტატუსის“ შესახებ დასმულ კითხვას უპასუხა.
,,არა მარტო ”ქართული ოცნება”, არამედ, ჩემი აზრით, მთელი საზოგადოებაა შეთანხმებული, რომ ჩვენი მიმართულება კონკურენციის გარეშე არის ევროპა, ევროკავშირი და ევროატლანტიკური სივრცე. ქალბატონ ნინოს რაც შეეხება, არ მგონია, რომ დიდი შანსები აქვს. რუსეთთან რომ ურთიერთობის დალაგება გვინდა, ამას ჩვენც ვამბობთ. დღესაც შემიძლია გავიმეორო, რომ რუსეთთან ურთიერთობები უნდა დავალაგოთ, მაგრამ არა დაკარგული ტერიტორიების ხარჯზე, რაც წყალგამოყოფი შეიძლება გახდეს. ყველაფერი უნდა გავაკეთოთ იმისთვის, რომ ჩვენ მშვიდობიანად ჩვენს ყველაზე დიდ მეზობელთან დავალაგოთ ურთიერთობები და ამაში ნინო ბურჯანაძე ვერ არის გამორჩეული”, - განაცხადა ივანიშვილმა.
