“არიკ ჯგუფი” სამეგრელოში ინვესტიციებს ტურიზმსა და აგროსექტორში დებს. შესაბამისი მემორანდუმი სამეგრელო-ზემო სვანეთის გუბერნატორსა და კომპანიის პრეზიდენტს შორის გაფორმდა. ირანულ-ამერიკელი კომპანიის წარმომადგენლები ხუთვარსკვალიანი სასტუმროს აშენებას, ფოთში მალთაყვის სანაპირო ზოლზე გეგმავენ.
“არიკ ჯგუფი“ აბაშაში, წყემის პარკში მწანე სასტუმროების ქსელის აშენებასაც გეგმავს, ამავდროულად ინვესტორები რეგიონში მოცვის მოყვანას და გადამამუშავებელი საწარმოს აშენებას აპირებენ.
„უპირველეყოვლისა მივესალმები ქართველებს, მათ სტუმრთმოყვარეობას და განსაკუთრებით კი იმ რეგიონს, სადაც ახლა ვიმყოფები. ჩვენ გვაქვს საქართველოში მოღვაწეობის გამოცდილება, კერძოდ კახეთში 2500 ჰექტარზე გვაქვს ინვესტიცია განხორციელებული. რაც შეეხება მემორანდუმს - ეს არის ინდუსტრიულ-ტურისტული პროექტი. ჩვენ დიდი ხანი ვსმჯელობთ, მსგავს საკითხებზე ბატონ გუბერნატორტან და საქართველოს მთავრობასთან. ჩვენ მათთან გავიარეთ საკითხები, რისი ფინალიც არის ის მემორანდუმი რასაც დღეს ხელი მოვაწერეთ. ეს მემორანდუმი ემსახურება იმ მიზანს, რომ ჩვენი პროექტები სამეგრელოში დაიძრას. ძირითადი მიმართულებები რაც ჩვენ გამოვყავით ეს არის აგროსექტორი და ტურიზმი. მე დარწმუნებული ვარ ჩვენი პროექტი იქნება წარმატებული და უახლოეს ვადებში დასრულდება. ამ პროექტების გარშემო გაერთიანდება უამრავი ადამიანი და გამოუშვებს იმ პროდუქტს რასაც ჩვენ ვგეგმავთ. ჩვენ ვაპირებთ, რომ აგროკულტურაში წარმოებული ეკოლოგიურად სუფთა პროდუქტით გავუმასპინძლდეთ ტურისტებს. რაც შეეხება ადგილობრივების დასაქმებას, ჩვენ ვაპირებთ ანალოგიურად როგორც კახეთში, დავასაქმოთ მხოლოდ ადგილობრივი მოსახლეობა“, აცხადებს „არიკ ჯგუფის“ პრეზიდენტი აფრაზ რავარი .
