ყაზახური ავიაკომპანია SCAT-ი საქართველოს მიმართულებით ავიაბილეთების ფასს ამცირებს. კომპანიის ინფორმაციით, გაიაფება შეეხება ყაზახეთიდან საქართვდლოს, რუსეთის, თურქეთის, სომხეთისა და აზერბაიჯანის მიმართულებით ფრენებს.
როგორც კომპანიის საიტზე განთავსებულ ინფორმაციაშია აღნიშნული, ბევრი დასვენებას „ხავერდოვან სეზონზე“ ამჯობინებს და სწორედ ამიტომ კომპანიის მენეჯმენტმა მიიღო გადაწყვეტილება და გარკვეულ მიმართულებებზე ფრენის ღირებულებას ამცირებს.
აღსანიშნავია, რომ ავიაკომპანია SCAT-ი საქართველოს მიმართულებით ფრენებს ბათუმისა და თბილისის საერთაშორისო აეროპორტებში ანხორციელებს.
SCAT-ი აქტაუ-თბილისი-აქტაუს მიმართულებით ფრენებს კვირაში 3 სიხშირით, ხოლო აქტაუ-ბათუმი-აქტაუს მიმართულებით კი კვირაში 2 სიხშირით.
აღსანიშნავია, რომ ფასდაკლება შეეხება ყაზახეთის 6 ქალაქიდან განხორციელებულ ფრენებს. ეს ქალაქებია: აქტაუ, ალმათი, ასტანა, შიმკენტი, აკტობე და ატირაუ.
ფასდაკლებული ბილეთების შეძენა 25 სექტემბრამდეა შესაძლებელი.
