საქართველოს პრეზიდენტი გიორგი მარგველაშვილი ამერიკის შეერთებული შტატების პრეზიდენტობის კანდიდატებს მოუწოდებს, ყოველთვისდ ჰქონდეთ საქართველო გონებაში. საერთაშორისო კონფერენციაზე მოდერატორის კითხვაზე, რა უნდა იცოდნენ აშშ-ის პრეზიდენტობის კანდიდატებმა და რა გზავნილი ექნება მათდამი საქართველოს პრეზიდენტს, მან აღნიშნა, რომ საქართველო ძალიან მნიშვნელოვანია ამერიკისთვის.
„საქართველო ძალიან მნიშვნელოვანია ამერიკისთვის და მნიშვნელოვანია გლობალური სტაბილურობისთვის, თავისუფლების, დემოკრატიისა და სტაბილურობის ცნებების დასაცავად. ეს მართლაც ასეა და ვლინდება კიდეც. ყოველთვის გქონდეთ საქართველო თქვენს გონებაში“, - განაცხადა გიორგი მარგველაშვილმა.
სასტუმრო „რუმსში“ , საერთაშორისო კონფერენცია „ევროპის ცვალებადი გეოსტრატეგიული ლანდშაფტი ვარშავის სამიტის შემდეგ“ მიმდინარეობს.
