სააკაშვილის მთავრობა მხოლოდ ამას უკიჟინებს საკუთარ თანაგუნდელებს, რომ როგორმე სატუაცია ააყირაონ, - განაცხადა ბიძინა ივანიშვილმა ტელეკომპანია GDS-ის გადაცემაში „შეხვედრები რეგიონულ მედიასთან“.
„მცდელობა არის ძალიან დიდი და იქნება ძალიან დიდი იმის, რომ როგორმე არიონ სიტუაცია, ქაოსი შემოიტანონ, მაგრამ რესურსი არ გააჩნიათ. ეს იმას არ ნიშნავს, რომ საზოგადოება ფხიზლად არ იყოს, მთავრობა არ იყოს ფხიზლად. მე რჩევებსაც რასაც ვაძლევ, არის ის, რომ რაც შეიძლება მეტი კამერა უნდა იყოს არჩევნებზე. მე მაშინ მქონდა შესაძლებლობა და მოვახერხე დაფინანსება ამის, ყველა სოფელში იყო რამდენიმე ჟურნალისტი და კამერები. იგივე ვურჩიე „ქართულ ოცნებას“, რაც შეიძლება მეტი კამერა, რომ დააფიქსიროთ, ვინ ახერხებს მას“,- აღნიშნა ყოფილმა პრემიერმა.
მისივე თქმით, „ნაციონალურ მოძრაობას“ უნდა, რომ სიტუაცია ააყირაონ, მაგრამ ამას ვერ მოახერხებენ.
„მათ არ უნდათ, რომ ეს არჩევნები სწორედ გაფორმდეს, უნდათ, როგორმე სიტუაცია ააყირაონ, მაგრამ ამას ვერ მოახერხებენ, ამის საფუძველია ისევ საზოგადოების სიფხიზლე. „ქართულ ოცნებას“ კიდევ მოვუწოდებ, რაც შეიძლება მეტი კამერა და მეტი ურთიერთობა ჟურნალისტებთან, ყველა ქუჩაში კამერა უნდა იყოს. დღევადნელ ხელისუფლებას არც ერთ შემთხვევაში არ აწყობს, რაიმე კაზუსი მოგვივიდეს, ჩვენ ევროპელებს უნდა დავუმტკიცოთ, რომ ვართ ჭეშმარიტად ევროპელები“, - განაცხადა ბიძინა ივანიშვილმა.
