ყოფილი პრემიერ-მინისტრის ბიძინა ივანიშვილის განცხადებით, „ვარდების რევოლუციასთან“ დაკავშირებით არაადეკვატური რეაქცია ჰქონდა.
მისი თქმით, ორ წელზე მეტი, ყოფილ ხელისუფლებას აფინანსებდა, რასაც კარგად მალავდნენ.
ივანიშვილის თქმით, მისმა პოზიციამ „ნაციონალური მოძრაობის“ გამოაშკარავების პროცესი გაახანგრძლივა.
„არაადეკვატური რეაქცია გავაკეთე მაშინ. ზედმეტად ემოციური ვიყავი, ზედმეტად გამიხარდა და ამ გზით მოსვლაც მივიღე. ორწელიწადნახევარი ხელისუფლებას ვაფინანსებდი, რასაც ვმალავდით და კარგად ვფუთავდით. პირდაპირი მნიშვნელობით, მე სააკაშვილს არ დავხმარებივარ არაფერში და ამას ვერც გაბედავდა, რომ პირადი ეთხოვა რამე. ჩემმა პოზიციამ მათი გამოაშკარავების პროცესი გაახანგრძლივა. ძალიან მკაცრი პოზიცია მქონდა. მახსოვს როგორ რეაქციას ვაკეთებდი შეცდომებზე. ბევრი მქონდა სააკაშვილთან ურთიერთობა. არაფორმალურ მმართველობაზე საუბრობენ ახლა და სააკაშვილს მეტ კონსულტაციებს ვაძლევდი და მეტსაც ვეხმარებოდი“, - განაცხადა ივანიშვილმა.
მისი შეფასებით, ნაციონალური მოძრაობა დაშვებულ შეცდომებს სათანადოდ ვერ აფასებს.
,,ნაციონალებმა სიტყვა "შეცდომა" შემოიტანეს ისე ლამაზად და ლაღად, რომ თითქოს რაღაც შეეშალათ. მარჯვნივ კი არ წავიდნენ მთლად, ოდნავ მარცხნივ შეუგანეს. ეს განმარტონ ძალიან კარგად, რა შეცდომებზე ამბობენ უარს», - აღნიშნა ექს-პრემიერმა.
