აჭარის ნაერთი ბიუჯეტი 22,5%-იანი, ხოლო რესპუბლიკური ბიუჯეტი 29,8%-იანი გადაჭარბებით შესრულდა.
აჭარის ფინანსთა და ეკონომიკის სამინისტროს ინფორმაციით, იანვარ-აიგვისტოს აჭარის ნაერთი ბიუჯეტის გეგმა 157 მლნ 458,9 ათასი ლარი იყო, თუმცა შესრულებამ 192 მლნ 824,5 ათასი ლარი შეადგინა, ანუ გეგმა 122,5%-ით შესრულდა.
აჭარის ნაერთი ბიუჯეტის რვა თვის მაჩვენებლები ცხადყოფს, რომ გადასახადების მუხლი 122,3%-ით, სხვა შემოსავლების მუხლი - 124,2%-ით, ხოლო არაფინანსური აქტივების (კლება) მუხლი – 120,5%-ით შესრულდა.
რაც შეეხება იანვარ-აგვისტოს აჭარის რესპუბლიკური ბიუჯეტის პარამეტრებს, ის 129,8%-ითაა შესრულებული. ბიუჯეტის რვა თვის გეგმა 99 მლნ 100,1 ათასი ლარი იყო, თუმცა შესრულებამ 128 მლნ 634,1 ათასი ლარი შეადგინა.
რესპუბლიკური ბიუჯეტის სტატიტიკური ინფორმაციის თანახმად, საანგარიშო პერიოდში ბიუჯეტის გადასახადების მუხლი 127%-ით, სხვა შემოსავლების მუხლი - 186,3%-ით, ხოლო არაფინანსური აქტივების (კლება) მუხლი 124,2%-ით შესრულდა.
რაც შეეხება თვითმმართველი და მუნიციპალური ერთეულების ბიუჯეტებს მდგომარეობა ასეთია:
ბათუმის ბიუჯეტი - 101,5%-ი, ქობულეთის ბიუჯეტი - 138,5%-ი, ხელვაჩაურის ბიუჯეტი - 102,5%-ი, ქედას ბიუჯეტი - 149,7%-ი, შუახევის ბიუჯეტი - 180,1%-ი და ხულოს ბიუჯეტი - 312,5%-ი.
