გორის საკრებულოს ფრაქცია "ქართული ოცნება" გორის მაჟორიტარობის დამოუკიდებელი კანდიდატ ირაკლი ოქრუაშვილს პროვოკაციაში ადანაშაულებს
ფრაქციის თავმჯდომარის, ლია ჩლაჩიძის განცხადებით, საკრებულოს თავმჯდომარის მიერ საკრებულოს რიგგარეშე სხდომის დილის რვის ნახევარზე ჩანიშვნა მხოლოდ ერთ მიზანს, ამ სხდომის კანონიერების ეჭვქვეშ დაყენებას ემსახურება.
"საკრებულოს თავმჯდომარის გადაწყვეტილებით, რიგგარეშე სხდომა დაინიშნა 07:30 საათზე. ჩვენს ხელთ არსებული ინფორმაციით, არა სამუშაო დროს საკრებულოს სხდომის დანიშვნით ირაკლი ოქრუაშვილსა და მის თანაპარტიელებს განზრახული აქვთ, ხელოვნურად შექმნან სხდომაზე მიღებული გადაწყვეტილების გასაჩივრების საბაბი. ამ პროვოკაციული განზრახვის მიუხედავად, ჩვენ დავესწრებით საკრებულოს 5 სექტემბრის სხდომას და მივიღებთ გადაწყვეტილებას ქალაქის სასიკეთოდ. არასამუშაო დროს მიღებული გადაწყვეტილება ვერ გახდება მისი იურიდულად ბათილად ცნობის საბაბი. ირაკლი ოქრუაშილს ვერ მივცემთ საშუალებას, ხელოვნურად შეუქმნას საკრებულოს დაბრკოლება",-აღნიშნა ლია ჩლაჩაძემ.
რიგგარე სხდომაზე საკრებულოს თავმჯდომარის იმპიჩმენტის საკითხს განიხილავენ. საკრებულოს თავმჯდომარე ილია მეტრეველი ირაკლი ოქრუაშვილის პარტიის წევრია.
გორის მაჟორიტარობის დამოუკიდებელი კანდიდატი ირაკლი ოქრუაშვილი აცხადებს, რომ გორის საკრებულოს დეპუტატებმა თავმჯომარის იმპიჩმენტის პროცედურებზე მას შემდეგ დაიწყეს ზრუნვა, რაც საკრებულოს თავმჯდომარე ილია მეტრეველმა, დეპუტატების მოთხოვნის მიუხედავად, პრემიის გაცემაზე უარი თქვა.
როგორც 2030.news-ს ოქრუაშვილმა განუცხადა, იმპიჩმენტის მომხრე დეპუტატების უკან „ქართული ოცნების“ გენერალური მდივანი კახი კალაძე დგას
