საქართველოს საგარეო საქმეთა მინისტრი მიხეილ ჯანელიძე ქ. ბრატისლავაში ევროკავშირის და „აღმოსავლეთ პარტნიორობის“ წევრი ქვეყნების საგარეო საქმეთა მინისტრების არაფორმალურ შეხვედრაში მონაწილეობს, რომელიც ევროკავშირის საბჭოს ამჟამინდელი თავმჯდომარე ქვეყნის, სლოვაკეთის ინიციატივით იმართება.
ევროკავშირის მხრიდან შეხვედრას ესწრებიან უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში ფედერიკა მოგერინი და ევროკომისარი ევროპული სამეზობლო პოლიტიკისა და გაფართოებაზე მოლაპარაკებათა საკითხებში იოჰანეს ჰანი.
ევროკავშირისა და „აღმოსავლეთ პარტნიორობის“ ქვეყნების საგარეო საქმეთა მინისტრები არაფორმალურ შეხვედრაზე განიხილავენ „აღმოსავლეთ პარტნიორობის“ ინიციატივის პერსპექტივებს, ევროკავშირისა და პარტნიორი სახელმწიფოების შემდგომი თანამშრომლობის საკითხებს.
მინისტერიალის ფარგლებში იგეგმება მიხეილ ჯანელიძე ორმხრივი შეხვედრები კოლეგა მინისტრებთან.
