ოპეკში ნავთობის უმსხვილესი ექსპორტიორი ქვეყანა - საუდის არაბეთი არ გეგმავს ნავთობის მოპოვების გაზრდას სიმძლავრის ლიმიტამდე, რომელიც შეადგენს 12,5 მლნ ბარელს/დღე-ღამეში. ამის შესახებ განაცხადა ქვეყნის ენერგეტიკის, მრეწველობისა და მინერალური რესურსების მინისტრმა ხალედ ბენ აბდელ აზიზ ალ-ფალეხმა.
"ნავთობის მსოფლიო საცავები გადავსებულია და ჩვენ ვერ ვხედავთ იმის აუცილებლობას, რომ სამეფომ უახლოეს მომავალში გაზარდოს წარმოება მაქსიმალურ ოდენობამდე", -აღნიშნა მან.
მისი თქმით, საუდის არაბეთი შეშფოთებულია მსოფლიო მოთხოვნილების მდგომარეობით ნავთობის ფასის დაცემის მიუხედავად.მან ჩინეთში ნავთობზე მოთხოვნილებას "ჯანსაღი" უწოდა, ასევე პოზიტიურად შეაფასა ინდოეთში ნავთობის მოხმარება.
ივლისში საუდის არაბეთმა გაზარდა ნავთობის მოპოვება თავის რეკორდულ ოდენობამდე - 10,67 მლნ ბარელამდე დღე-ღამეში.
