აჭარის ფინანსთა და ეკონომიკის სამინისტროში ადამიანური რესურსების მართვის ახალი სისტემის დანერგვაზე მუშაობა დაიწყო.
ბრიტანული ორგანიზაცია DFID-ის მიერ დაფინანსებულ პროექტს კომპანია PMCG-ისა და ორგანიზაცია PWC-ის ექსპერტები ახორციელებენ.
ახალი სისტემა გრძელვადიან ხედვაზე იქნება დაფუძნებული და საჯარო სექტორის რეფორმების შესაბამის HRM სტრატეგიის შექმნას მოიცავს. პროექტის მიზანია თანამედროვე და დინამიური HRM სისტემის შემუშავება, რომელიც ხელს შეუწყობს აჭარის ა.რ სოციალურ-ეკონომიკურ განვითარებას, რაშიც ფინანსთა სამინისტრო მნიშვნელოვან როლს ასრულებს.
უცხოელ და ქართველ ექსპერტებთან შეხვედრა აჭარის ფინანსთა და ეკონომიკის მინისტრმა რამაზ ბოლქვაძემ გამართა.
HRM სისტემა სამინისტროს უფრო ეფექტურ მუშაობას, მაღალკვალიფიციური თანამშრომლების მოზიდვასა და შენარჩუნებას, მათ მუდმივ პროფესიულ განვითარებას, საქმიანობის შეფასების სისტემის შექმნას და თანამედროვე სამუშაო გარემოს უზრუნველყოფს.
ამ დროისთვის ექსპერტები სამინისტროში სამუშაო შეხვედრებს მართავენ და კვლევის სამუშაოები მიმდინარეობს. მომდევნო ეტაპი ანალიზს გულისხმობს, რის შემდეგადაც საბოლოო ანგარიში მომზადდება.
ახალი HRM სისტემა 2016-2020 წლების საშუალოვადიან სტრატეგიას მოიცავს.
