დღეს, სოფლის მეურნეობის მინისტრი ლაშა კომახიძე ინდოეთის მძიმე მრეწველობისა და სახელმწიფო საწარმოების სამინისტროს წარმომადგენლებს შეხვდა. ინდოეთის მძიმე მრეწველობისა და სახელმწიფო საწარმოების სამინისტროს წარმომადგენლების ვიზიტის მიზანს ჩაის წარმოების კუთხით აჭარაში არსებული გარემოს შესწავლა წარმოადგენს. შეხვედრაზე მხარეებმა აჭარაში ჩაის წარმოების კუთხით შესაძლო თანამშრომლობის საკითხები განიხილეს. ინდოეთის დელეგაციის წევრებმა შეხვედრის შემდეგ ქობულეთის მუნიციპალიტეტში ჩაის პლანტეციები მოინახულეს და არსებულ მდგომარეობას ადგილზე გაეცნენ.
დღეისათვის რეგიონში ფოთოლსაკრეფ მდგომარეობაშია დახლოებით 400 ჰა-მდე ჩაის პლანტაცია და სავარაუდოდ ამდერნივე ექვემდებარება რეაბილიტაციას. რეგიონში იწარმოება 120 ტონამდე ლაო ჩაისა და 1000 ტონამდე ხარისხოვანი ჩაის ფოთოლი. რომლის გადამუშავების შედეგად გამოშვებული შავი ბაიხისა და აგურა ჩაის პროდუქციის ძირითადი ნაწილი ექსპორტირდება შუა აზიის ქვეყნებსა და მონღოლეთის რესპუბლიკაში. რეგიონში ამჟამად ჩაის ფოთლის წარმოება-გადამუშავებას ახორციელებს შემდეგი კომპანიები: შპს „აგროფირმა ქობულეთი“, შპს ,,აჭარა ინვესტ ჩაის” და შპს,, აგროექსპორტის”. შეხვედრას ასევე ესწრებოდნენ სოფლის მეურნეობის მინისტრის მოადგილეები ავთანდილ მესხიძე და იოსებ აბულაძე
