28-29 აგვისტოს საქართველოს ირანის სავაჭრო- სამრეწველო პალატის, ქალაქ ბოჯნურდის დელეგაცია ეწვევა, რომელსაც ხელმძღვანელობს ბოჯნურდის სავაჭრო პალატის თავჯდომარე ბატონი მოჰამად სამადი.
დელეგაცია შედგება 22 კომპანიის წარმომადგენლისგან რომელთა შორის არიან კომპანიები: MAJED, FAM FOOM, KALA BOJNORD, GOLCHIN FOAM, PARTO SARIR, BARGE SABZ, BOJNURD PLASTIC, NOOSHIN NASR, ROKHAM SAZE ამასთანავე კომპანია „საბქე ბართარის“ გენერალური დირექტორი მოჰსენ ფალლაჰი და მისი მოადგილე ქალბატონი ფათემე დანიალი.
დელეგაციის წევრები წარმოადგენენ ირანის ბიზნესის ისეთ სფეროებს როგორებიცაა: ტურიზმი, სოფლის მეურნეობა, სასუქის წარმოება, ყვავილებისა და ხილის ნერგები, საკვები პროდუქტის წარმოება, სამედიცინო საშუალებები(სისტემები და შპრიცები), დეკორატიული ნივთები, მშენებლობა, რკინის კონსტრუქციებისა და სამშენებლო მასალების წარმოება, ნავთობროდუქტები.
მიმდინარე წლის 29 აგვისტოს, საქართელო-ირანის გაერთიანებული სავაჭრო-სამრეწველო პალატის ორგანიზებით გაიმართება შეხვედრა, რომელშიც მონაწილეობას მიიღებს ირანელ ბიზნესმენთა დელეგაცია, რომელთათვისაც საქართველოში ძირითად ინტერესის სფეროებს წარმოადგენს: ტურიზმი, სოფლის მეურნეობა, მშენებლობა, საკვები პროდუქტები და ა.შ.
შეხვედრის მიზანია ირანელი ბიზნესმენებისათვის საქართველოს სამრეწველო-სავაჭრო-საინვესტიციო პოტენციალის გაცნობა.
შეხვედრაში ასევე მონაწილეობას მიიღებენ საქართელოში ირანის საელჩოს ეკონომიკის ატაშე ალი შაფაყი, საქართველოს სოფლის მეურნების მინისტრის მოადგილე გოჩა ცოფურაშვილი, ჰუალინგ გრუპი, შპს „კაპიტალ მენეჯმენტი“, საქართველო-ირანის სავაჭრო პალატის წევრები: რაჰიმ აბაჩი, ეჰსან აქბარლუ, მოჰამად ჰოსეინზად ფანაჰი და საქართველოში მოღვაწე სხვა ირანელი ბიზნესმენები.
