ყირიმის ნახევარკუნძულზე უკრაინული პასპორტები რუსულ ენაზე შეივსება. შესაბამისი დადგენილება ყირიმის პარალამენტმა მიიღო. ამავე დროს ყირიმის უამღლესმა საბჭომ ნებართვა გასცა პირადობის დამადასტურებელი მოწმობის, დაბადებისა და გარდაცვალების მოწმობების, შრომის წიგნაკების, დიპლომების, ქორწინების მოწმობისა და სხვა დოკუმენტების რუსულ ენაზე შევსების შესახებ.
ერთი დღით ადრე ყირიმის პარლამენტმა ნახევარკუნძულის ტერიტორიაზე რუსულ ენას რეგიონალური სტატუსი მიანიჭა და თავისი დასახელება _ "უმაღლესი რადა" '"უმაღლესი საბჭოს" სახელწოდებით შეცვალა.
