ქართულ ბაზარზე კიდევ ერთი რუსული ავიაკომპანია შემოდის. Yamal Airlines-ი რუსულ ბაზარზე 1997 წლიდან ოპერირებს და 2016 წლის მონაცემებით მისი ავიაპარკი 29 ხომალს აერთიანებს.
რუსული მედია წერს, რომ Yamal Airlines-ი რეისებს მოსკოვიდან თბილისის მიმართულებით განახორციელებს. რეისები თბილისის საერთაშორისო აეროპორტში მოსკოვის ჟუკოვსკის სახელობის საერთაშორისო აეროპორტიდან განხორციელდება.
თბილისის გარდა Yamal Airlines-ი ჟუკოვსკის სახელობის საერთაშორისო აეროპორტიდან ფრენებს განახორციელებს ვენის, ბუდაპეშტის, პრაღისა და მინხენის მიმართულებით.
რუსული მედია წერს, რომ ქვეყნის შესაბამისმა სამსახურმა Yamal Airlines-ს ახალ მიმართულებებზე ოპერირებისთვის ნებართვა უკვე მისცა.
საქართველოს სამოქალაქო ავიაციის სააგენტოში კი განმარტავენ, რომ ავიაკომპანიის მიერ ამ დრომდე რაიმე განაცხადი, ან მიმართვა საქართველოს მიმართულებით ფრენების შესრულების თაობაზე, არ შესულა.
აღსანიშნავია, რომ რუსული ავიაკომპანიები საქართველოს მიმართულებით რეისებს მოსკოვიდან დომოდედოვოს, შერემერტიევოს და ვნუკოვოს საერთაშორისო აეროპორტებიდან ასრულებენ.
დღეისათვის თბილისსა და მოსკოვს შორის ფრენები ხორციელდება შემდეგი ავიაკომპანიების მიერ:
Georgian Airways - კვირაში 14 სიხშირით; Aeroflot - კვირაში 14 სიხშირით;
S7 Airlines - კვირაში 7 სიხშირით.
