კახეთის რეგიონში სოფლის მეურნეობის სამინისტროს შპს „საქართველოს მელიორაცია“ 2012 წლიდან ახორციელებს სამელიორაციო ინფრასტრუქტურის სარეაბილიტაციო სამუშაოებს, რომელიც რეგიონში რამდენიმე ათეული წლის განმავლობაში არ ჩატარებულა. რეაბილიტირებული ინფრასტრუქტურის მეშვეობით წყალი მიეწოდება არა მხოლოდ სასოფლო-სამეურნეო ნაკვეთებს, არამედ რეგიონში არსებულ თევზსაშენ მეურნეობებსაც. ტბორებისათვის წყლის მიწოდების მაჩვენებელი ყოველწლიურად იზრდება. 2013 წელს შპს „საქართველოს მელიორაციამ“ კახეთის რეგიონში წყალი მიაწოდა 957 ჰექტარ ტბორს, დღეისათვის, კი, კომპანია 1 600 ჰექტარზე მეტ თევზსაშენ მეურნეობას ამარაგებს წყლით.
