საბერძნეთის ქალაქ სალონიკში ე.წ. კანონიერი ქურდი ლავრენტი ჩოლოკადისი, მეტსახელად ლევა სევასტოპოლსკი - ლევა ბერძენი გარდაიცვალა.
წინასწარი მონაცემებით გარდაცვალების მიზეზი ტრომბის მოწყვეტა გახდა, თუმცა აღნიშნულ ვერსია საეჭვოდ გამოიყურება იმის გამო, რომ 35 წლის გარდაცვლილი საკმაოდ ჯანმრთელ ადამიანად ითვლებოდა. O
ჩოლოკადისი საქართველოშია დაბადებული. მას რუსეთის მოქალაქეობა ჰქონდა და ბოლო წლების განმავლობაში საბერძნეთში ცხოვრობდა, სადაც ავტოგასამართი სადგურების ქსელს მართავდა.
როგორც მასთან დაახლოებული წყაროები აცხადებენ, გარდაცვლილი ამჟამად კრიმინალური სამყაროს მეფედ აღიარებული ასლან უსოიანის, მეტსახელად დედ ჰასანის ერთ ერთ უახლოეს ადამიანად ითვლებოდა.
სწორედ ჩოლოკადისის სახელს უკავშირდება რუსეთიდან საბერძნეთში დედ ჰასანის თანამებრძოლის ლაშა შუშანაშვილის გაყვანა, რომელიც კრიმინალურ სამყაროში უდიდეს ავტორიტეტს ფლობს.
სამართალდამცავები ეჭვობენ, რომ სწორედ გარდაცვლილის სახელს უკავშირდება ე.წ. ოთხი კანონიერი ქურდის მკვლელების დაქირავება. კერძოდ საუბარია ტარიელ ონიანის გარემოცვის წევრებზე. მათ შორის მალხაზ კიტიაზე, რომელიც საბერძნეთში რამდენიმე დღის წინ მოკლეს.
