აჭარის ავტონომიურ რესპუბლიკასა და ძიანგსის პროვინციას შორის დამეგობრების დოკუმენტს ხელი მოეწერა. ასევე აჭარის ა.რ. ფინანსთა და ეკონომიკის სამინისტროსა და ჩინეთის სახალხო რესპუბლიკის საერთაშორისო ვაჭრობის ხელშეწყობის ძიანგსის განყოფილებას შორის თანამშრომლობის მემორანდუმი გაფორმდა.
ოფიციალურ დელეგაციას აჭარის ფინანსთა და ეკონომიკის სამინისტროს წარმომადგენელმა აჭარის რეგიონის შესახებ პრეზენტაცია წარუდგინა. აჭარის მთავრობის თავმდჯომარემ არჩილ ხაბაძემ და აჭარის ფინანსთა და ეკონომიკის მინისტრმა დავით ბალაძემ სტუმრებს რეგიონის საინვესტიციო შესაძლებლობები გააცნეს. საუბარი განხორციელბულ და დაგეგმილ საინვესტიციო პროექტებს შეეხო. ჩინეთის დელეგაციის შემადგენლობაში ძიანგსის პროვინციის სახალხო მთავრობის პროვინციის ვიცე გუბერნატორი ლიუ ჩანგლინი,ძიანგსის პროვინციის სახალხო მთავრობის ვიცე გენერალური მდივანიბ-ნი ვანგ იალიენი, ძიანგსის პროვიცნიის სავაჭრო პალატის პროვინციის, ბიზნესის ხელშეწყობის საბჭო პალატის ვიცე პრეზიდენტი, საბჭოს პრეზიდენტი, ლიუ ცუილან და სხვა ოფიციალური პირები შედიან.
თანამშროლობა აჭარის ავტონომიურ რესპუბლიკასა და ჩინეთის სახალხო რესპუბლიკას შორის აქტიურ ფაზაში 2015 წელს შევიდა. ამავე წელს გაფორმდა ურთიერთთანამშრომლობის მემორანდუმი აჭარის ავტონომიურ რესპუბლიკასა და დალიანის მუნიციპალიტეტს შორის, აგრეთვე ბათუმის მერიასა და სინძიან უიგურეთის ავტონომიური რეგიონის ქალაქ ურუმჩს შორის. მემორანდუმი ითვალისწინებს თანამშრმლობას ეკონომიკის, სოფლის მეურნეობის, ჯანდაცვის, ტურიზმის, კულტურის, განათლების, ტრანსპორტის, გარემოს დაცვის, მომსახურების ინდუსტრიის, ქალაქის დაგეგმარებისა და სხვა სფეროებში. ჩინეთის დელეგაცია ბათუმს 25 ივნისს დატოვებს.
