გარდაცვლილი მსახიობის, ბრიტანი მერფის მეუღლე 39 წლის საიმონ მონჯაკი, პოლიციამ ჰოლივუდში მკვდარი იპოვა. ამის შესახებ "სი-ენ-ენი" იუწყება. ამ დროისთვის საიმონ მონჯაკის დაღუპვის მიზეზი უცნობია.
როგორც ცნობილია, საიმონ მონჯაკიც კინემატოგრაფიაში მოღვაწეობდა, იგი სცენარისტი იყო.
შეგახსენებთ, რომ 5 თვის წინ 32 წლის ასაკში ჰოლივუდის მსახიობი, ბრიტანი მერფი გარდაიცვალა. მსახიობი ქმრის, საიმონ მონჯაკის სახლში გულის შეტევით დაიღუპა. მოგვიანებით ექიმებმა განაცხადეს, რომ მსახიობის გარდაცვალება დიდი რაოდენობით მიღებულმა ნარკოტიკულმა საშუალებებმა გამოიწვია.
განსაკუთრებული პოპულარობა ბრიტანი მერფს შემდეგმა ფილმებმა მოუტანა: "შეწყვეტილი სიცოცხლე", ცოდვების ქალაქი", "8 მილი" და "დრაივი".
ბრიტანი მერფსა და საიმონ მონჯაკს შვილები არ ჰყოლიათ.
