ვაშინგტონში, საპროტესტო აქციაზე 400-ზე მეტი ადამიანი დააკავეს. აქციაზე, პოლიტიკაზე ფულის გავლენას აპროტესტებდნენ.
პოლიციის ინფორმაციით, უმრავლესობა დააკავეს შეერთებული შტატების მთავრობის შენობების მახლობლად უკანონო ქმედებების, მათ შორის ობსტრუქციის გამო. ,,რადიო თავისუფლების“ ინფორმაციით, ჯგუფ „დემოკრატიის გაზაფხულის“ წევრები ვაშინგტონში, კაპიტოლიუმის ბორცვთან 11 აპრილს შეიკრიბნენ ლოზუნგებით „მოაშორეთ დიდი ფული პოლიტიკას“, „დაიცავით არჩევანის უფლება“. ჯგუფის ვებსაიტზე ვკითხულობთ, რომ მიზანია კონგრესზე ზეწოლა, რათა დაუყოვნებლივ მიმართოს ზომებს პოლიტიკაში დიდი ფულით მოსყიდვისთვის ბოლოს მოსაღებად და თავისუფალი და სამართლიანი არჩევნების უზრუნველსაყოფად.
