უკრაინის პრეზიდენტის ადმინისტრაციაში დასრულდა მოლაპარაკებები მინისტრთა კაბინეტის ახალი შემადგენლობის ფორმირებასთან დაკავშირებით.
პარლამენტის სპიკერის, ვლადიმერ გროისმანის პრესმდივნის დიმიტრი სტოლიარჩუკის განცხადებით, გროისმანმა შეძლო საკუთარი პოზიციების დაცვა.
„ფაქტობრივად, ყველა პოზიცია შეთანხმებულია. გროისმანმა შეძლო შეენარჩუნებინა რეფორმატორული ბირთვი ახალ მთავრობაში“, - განაცხადა სტოლიარჩუკმა.
ადრე გავრცელებული ინფორმაციის მიხედვით, გროისმანმა უარი განაცხადა პრემიერის პოსტზე, რადგანაც არ ეთანხმებოდა რამდენიმე მინისტრის კანდიდატურას. მოგვიანებით, პრეზიდენტთან შეხვედრის შემდეგ მან შეცვალა პოზიცია და პრემიერ-მინისტრობაზე დათანხმდა.
