გერმანული მედიის ცნობით, ე.წ ისლამური სახელმწიფო გერმანიაში ტერაქტებს გეგმავს. გერმანიის კონტრდაზვერვის სამსახურის ხელმძღვანელის ჰანს-გეორგ მაასენის თქმით, სიტუაცია "საკმაოდ სერიოზულია", თუმცა ტერორისტების კონკრეტული სამიზნეების შესახებ მონაცემები ჯერ არ არსებობს.
ცნობისთვის, ე.წ ისლამურმა სახელმწიფომ გასულ კვირაში ვიდეორგოლი გამოაქვეყნა, რომელშიც დაჯგუფება ლონდონში, ბერლინსა და რომში ტერაქტებით იმუქრება.
გერმანელმა სამართალდამცავებმა 76 გერმანელ ისლამისტზე ძებნა გამოაცხადეს. მათი თქმით, ისინი სავარაუდოდ, ქვეყნისთვის პოტენციურ საფრთხეს წარმოადგენენ.
