ნადეჟდა სავჩენკოს უკრაინას გადასცემენ, - ამის შესახებ ,,გრანი.რუ“ კიევში, რუსეთის ელჩის მიხეილ ზურაბოვის ინფორმაციაზე დაყრდნობით იუწყება
მისი თქმით, რუსეთში გასამართლებული სავჩენკო უკრაინას 2 კვირის ვადაში გადაეცემა. გამოცემის ინფორმაციით, აღნიშნულთან დაკავშირებით, ზურაბოვმა დახურულ შეხვედრაზე ისაუბრა, თუმცა მას არ დაუკონკრეტებია არის თუ არა საუბარი ტყვეთა გაცვლაზე. მან ასევე განაცხადა, რომ რუსეთი მზად იყო სავჩენკო უკრაინისთვის ჯერ კიდევ 8 მარტს გადაეცა, თუმცა მოსკოვმა ეს კიევში, რუსეთის საელჩოზე თავდასხმის გამო გადაიფიქრა.
რუსეთის სასამართლომ ნადეჟდა სავჩენკოს გასულ დღეებში 22 წლით თავისუფლების აღკვეთა მიუსაჯა.
