სამხედრო ოპერაცია სირიაში დაახლოებით 33 მილიარდი რუსული რუბლი დაჯდა, - ,,ბიბისის“ ინფორმაციით, ამის შესახებ რუსეთის პრეზიდენტმა 17 მარტს, სირიაში, საბრძოლო მოქმედებების მონაწილე რუს სამხედროებთან შეხვედრაზე განაცხადა.
ვლადიმერ პუტინი დარწმუნებულია, რომ ეს დანახარჯები აბსოლუტურად გამართლებული და აუცილებელი იყო.
„მხოლოდ საბრძოლო ვითარებაში შეიძლებოდა სათანადოდო გამოგვეცადა ბევრი ის სამხედრო ტექნიკა, რასაც ვიყენებთ. გამოგვევლინა და აღმოგვეფხვრა არსებული პრობლემები“, - აღნიშნა რუს სამხედროებთან შეხვედრაზე პუტინმა და იმედი გამოთქვა, რომ ზავის პირობებს სირიაში ყველა მხარე დაიცავს.
