მთავარ პროკურატურაში დღეს, 18:00 საათზე ბრიფინგი გაიმართება. ბრიფინგი სავარაუდოდ, ფარული ვიდეო კადრების გავრცელებას შეეხება.
პროკურატურამ ზურაბ ჯამალაშვილისა და ირაკლი ფხალაძის დაკავების ფაქტზე განცხადება რამდენიმე საათის წინ გაავრცელა.
,, საზოგადოებას ვაცნობებთ, რომ ზურაბ ჯამალაშვილი და ადვოკატი ირაკლი ფხალაძე დაკავებულები არიან ბრალდებულის სახით, პირადი ცხოვრების ამსახველი უკანონო კადრების შენახვა-გავრცელების ფაქტზე, და არა მათი ინტერნეტ სივრცეში ატვირთვის ფაქტზე როგორც ეს მედიასაშუალებებმა გააშუქეს. მათი დაკავებისა და საქმის გარემოებებთან დაკავშირებით საქართველოს პროკურატურა უახლოეს ხანში დეტალურ ინფორმაციას მიაწვდის საზოგადოებას. ამ ეტაპზე მიმდინარეობს საგამოძიებო და საპროცესო მოქმედებები”, - ნათქვამია განცხადებაში.
