საპრეზიდენტო ვადის ამოწურვამდე რამდენიმე თვით ადრე ბარაკ ობამამ გამოცემა ,,ატლანტიკთან“ ინტერვიუში განვლილი წლების განმავლობაში მიღებულ რთულ პოლიტიკურ გადაწყვეტილებებსა და შეერთებული შტატების საერთაშორისო როლზე ისაუბრა.

ამერიკის პრეზიდენტი ბარაქ ობამა უარყოფითად პასუხობს კითხვას, მიიჩნევს თუ არა სულელად რუს კოლეგა ვლადიმერ პუტინს. ამერიკის პირველი პირის განცხადებით, პუტინი უკიდურესად არის დაინტერესებული, ამერიკის თანასწორუფლებიან პარტნიორად გამოიყურებოდეს, რადგან ის "არც ისეთი სულელია".
"ის ხვდება, რომ რუსეთის პოზიციებმა მსოფლიოში არსებითად, რყევები განიცადა და ყირიმში შეჭრითა და ასადის რეჟიმის მხარდაჭერით რუსეთი თამაშში ვეღარ დაბრუნდება", - განაცხადა ობამამ.
„თავაზიანი და გულახდილი“ - ასე დაახასიათა თავისი რუსი კოლეგა შეერთებული შტატების პრეზიდენტმა.

მისი თქმით, პუტინთან საქმიანი შეხვედრები ჰქონდა, რომლებზეც რუსეთის ლიდერი განსაკუთრებულად თავაზიანი და ძალიან გულწრფელი იყო.

ობამას განცხადებით, ,,აშშ არ არის მზად ფართომასშტაბიანი ომი დაიწყოს უკრაინის გამო, სადაც ვაშინგტონის მოქმედებების მიუხედავად, ყოველთვის იქნება რუსეთის მხრიდან სამხედრო შეჭრის საფრთხე”